ಬದುಕು-ಗರಿಕೆ

ಬದುಕು ಹುಲ್ಲಂತೆ ಗರಿಕೆ ಹುಲ್ಲಂತೆ

ನೀರ ಒಸರಿನ ಹಿಡಿದು ವಾಸನೆ 

ಬೆಳೆಯಿತು ಕಂಡಲ್ಲಿ ಬಂಡೆಯೆಡೆಯಲ್ಲಿ

ಹೆಂಚ ಮಾಡಲ್ಲಿ, ಸಂದುಗೊಂದಲ್ಲಿ

ಅವಕಾಶವಿರುವಲೆ ಬಿಟ್ಟು ಕೊರಗಬೇಡ

ವಿಶಾಲ ಪ್ರಪಂಚದಲನಂತ ಅವಕಾಶ

ನೆಲೆನಿಲ್ಲು ತಳವೂರು ಸಿಕ್ಕಲ್ಲಿ

ಭರವಸೆಯಿರಲಿ ಚಿರಂಜೀವಿಯಲ್ಲ ನೀನಿಲ್ಲಿ

ಭೀಕರ ಬರದಂತೆ ಬಿಸಿಲ ಝಳಪು

ಪಸೆ ಆವಿಯಂತೆ ಮುಗಿಲೇರಿತು

ಗರಿಕೆ ಬಾಡಿತು ಒಣಗಿ ಕರಟಿತು

ಆಶಿಸಿ ಮಳೆಯ ತಿರುಗಿ ಚಿಗುರಲು

ಕಷ್ಟಕೋಟಲೆಗಳು ಕಾಲನಿಯಮಗಳು

ಸಾಮಂಜಸ್ಯ ಬದುಕಿನ ಮೂಲನಿರ್ಣಯಗಳು

ನಿರಂತರವಲ್ಲ ಇರುಳು ದುಡುಕದಿರು ಸ್ವಲ್ಪತಾಳು

ಅಳಿವುಉಳಿವಿನಂಚಿನಲ್ಲಿ ಕೊಂಚಕಾಯು

ಹಿಂದಿರುವರ ಮುಂಬಲವಾಗು ಮುಂದಡಿಯಿಡಲು

ನೆರವಾಗು, ನಿನಗೂ ಪರರಿಗೂ ಉದಾರಿಯಾಗು

ಸೀಮೆ ಮೀರಿದ ಬಾನಿಗೆ ತೆರದ ಗರಿಕೆ

ಮೇವು ನೀಡಿತು ಜೀವಜಗಕೆ